Zabala Bilbon bizi den Jon Aguirrezabalaga konpositore eta ekoizlearen izen artistikoa da. Desagertutako We Are Standard taldeko kidea da; talde horrekin 4 disko argitaratu eta 500 kontzertu baino gehiago eman zituen nazioartean. Gaur egun, zinema eta antzerkirako konpositore gisa egiten duen lana bere proiektuekin eta beste artista batzuentzako ekoizpen-lanekin uztartzen du. 

Zabalaren proiektuak Vik EParekin (Mushroom Pillow 2018) debutatu zuen, eta jarraipena eman zion Martian Civilization OST bere lehen LParekin (Forbidden Colours 2021).

Ikus-entzunezkoei dagokienez, sintoniak konposatu ditu, hala nola BBVAren Aprendemos juntos, Vodafoneren audiologoa eta TVE2ko A mi yo adolescente saioko musika.

Ambient, IDM edo dronea dira bere soinuaren ezaugarri nagusiak, betiere ikuspegi esperimental, ireki eta zinematiko batetik, bere askotariko proposamenetan berotasun analogikoa bilatuz.

Irene Instxausti (Teklak) eta Álvaro Fierro (Cultumetría) bazkideek Jardunaldiaren helburuaren eta aurreikusitako jardueren aurkezpena.

Beroketa goiza, etena prestatzeko. Aipatzen eta artikulatzen ez dakigun baina hor dagoen ezinegon, desira, sentsazio arraro hori ulertzera eta partekatzera hurbiltzea. Jarraibide batzuk, banakakotik abiatuta, elkarrekin konposatzeko. Euste-ariketa bat, kontzentratzeko esan nahi den hori ez esateko. Arreta zati batean jartzea, oso txikia den zerbaitetan. Denbora hartzea. Denbora bat energia txikiak batzeko; enuntziatzeko, iradokitzeko, proposatzeko, bat etortzeko; konfiantza izateko, itxaroteko, eskuekin ukitzeko; reset egin eta konpontzeko; harremanak ezartzeko, harietatik tira egiteko, posizioa hartzeko, norabide komun bat aurkitzeko. Mugimendu txikietatik. Gertaeran egoteko konpromisoa hartuz. Ezustekoari leku emanez. Konfabulatzeko aukera eman dezaketen keinuekin. Ekintzak eta, batez ere, saihesteak imajinatuz. Ia ezer ez gertatzea ahaleginduz, eta ez gertatze horretan zerbait aldatzea. Gauza arin baina indartsu eta iraunkor bat. Zentzugabekeria gozo bat.

Ariketa bat, Belén Gopeguiren azken liburuaren atal batzuk irakurtzeko gonbidapenarekin hasten dena. Liburu hori El murmullo. La autoayuda como novela, un caso de confabulación (Penguin Random House, 2023) da. Saiorako proposamen metodologikoa KEINU-IRAKURRI da, lankidetzako lan- eta diseinu-tresna bat, lankidetzako eta elkarrekin sortzeko prozesuak sustatzeko, banakakoa eta kolektiboa modu orekatuan konbinatuz, eta gorputzaren performatibitatea, espazioa eta entzumen-behaketa lehenetsiz, hitzaren eta diskurtso-logikaren performatibitatearen aurretik. KEINU-IRAKURRI ColaBoraBora kooperatibaren errepertorio metodologikoaren parte da, eta João Fiadeiro koreografo portugaldarraren Denbora Errealeko Konposizioa teknikatik abiatuta garatu da.

>> SARTU GOMENDATUTAKO KAPITULUETAN HEMEN

Jarduera ColaBoraBora-k ekartzen du; Kooperatiba horrek lankidetza-egoerak diseinatu eta horietan laguntzen du, pertsonak eta horiek bizi diren ingurunea ardatz hartuta, eta egoera horiek berrikuntza sozial eta estrategikora eta erakunde-berrikuntzara bideratuta daude.

Mindful eating-ak, elikadura kontzienteak, aukera ematen digu nutrizioari arreta osoa eskaintzeko, gure emozioak eta gorputzeko sentsazioak entzuten ikasteko, eta, horrela, modu osasungarriagoan elikatu ahal izateko.

Jarduera hau Nutrición Erein enpresako Victoria Albo psikonutrizioan adituak zuzenduko du, eta Sustraiak-etik arretaz eta mimoz prestatu digute prozesua, beren ekoizleetatik hasi eta gure ahosabaietaraino. Elikadura agroekologikoan oinarritutako menu bat, ikuspegi feminista eta intersekzional batetik.

Zabalak soinu-kontakizun bat proposatzen digu, jardunaldiaren goizean ikusiko diren irudi eta elkarreraginen sotiltasunean oinarritua, non bertaratuko den pertsona bakoitzak esanahi desberdinak bilatu ahal izango dituen, batzuetan hain sakabanatua eta hain pertsonala den baina beti beharrezkoa den etenaren ideian oinarrituta.

Goiza igaro eta gero, topaketarako deia egin nahi dugu, etena aprobetxatu eta abiada hartzeko aukera emango digun topaketa baterako deia.

Etena politikoki kokaturiko ekintza gisa ulertu nahi dugu; energia berriz kargatzeko aukera emango digu, baina beste norabide batean erabiltzeko, sotila, ia ikusezina edo guztiz kontrakoa izan daitekeen mugimendu bat eratzeko: toki zehatz batean joko duen izpi itsugarri bat, beste leku batera eramango gaituen koreografia boteretsu bat, dantza kolektibo baten lehen urratsaren zirriborroa egiteko balioko digun eten bat. Hau atariko bat da, hau mugimenduaren aurreko 0ekintza da.

Elkarrekin partekatu eta idatzi nahi ditugu balizko manifestu bat osatu lezaketen zirriborro guztiak, baina ez manifestu estanko eta homogeneo bat, baizik eta askotarikoa eta plurala izan nahi duen gailu bat, balizko lehen gutun eklektiko bat, gure kideei bidalitako mezu bat, gure ondoeza, gure kexa eta gure nahiak partekatzeko. Kulturako langileok ditugun arazoak partekatzen lagunduko gaituzten testu batzuk, prekarietatea, gainekoizpena, abiadura eta denborarik eza agerian utziko dituztenak... Ezinegona eta desira kolektibizatu nahi ditugu, Zirriborro batzuk hainbaten artean idatziz.  Batzuk, hitzordura bertaratuko garenonak bakarrik egongo direlako, baina hainbaten artean, etorri ezingo direnenak aurrerago ere sartu nahi ditugulako.

Jardunaldiaren azken bi ordu hauek kulturari lotutako eta prekarietatea bizitzera garamatzaten politika publikoak geldiarazteko eta eraldatzeko prozesuaren abiapuntu izatea nahi dugu; geldiarazten lagunduko gaituen ariketa bat, aldaketa lortu nahi duen ekintza baten aurreko diskurtso kolektibo bati forma ematen hasteko. 

Tarte bat hartuko dugu idazteko, eta, zirriborroak eskuan ditugula, kalez kale ibiliko gara, gaur etena egitera eramaten gaituen guztia ikusarazteko, baina baita mugitzera -edo dena gelditzera- eramango gaituen guztia ikusarazteko ere, bihar aldarazteko asmoz. 

Jarduera hau SAREANeko zenbait kidek gidatuko dute; kulturgune komunitario bat eta proiektu mutante bat da, ekintza komunitario eta kulturaletik sortzen dena, tokiko ekimenen bidez elikatzen dena eta ekimen horiek sustatuz zein auzo- eta kultura-sareak indartuko dituzten egoera eta proposamen berriak sortuz garatzen dena.